Жазғы маусымда барлығы демалыс орындарына барып, өзен, көлге шомылады. Бірақ шомылу кезінде қауіпсіздік ережелерін сақтамағанның салдарынан қайғылы оқиғалар жиі орын алып жатады.
Жуырда Ақши ауылының маңындағы Алакөл көлін тексеру кезінде ТЖМ қызметкерлері суға батқан 2 адамды құтқарып қалды. Демалушылар дельтапланмен ұшамыз деп суға құлап кеткен. Аман қалған ер мен әйел адам ауруханаға жеткізілді. Қаза тапқандар жоқ.
Облыстық төтенше жағдай департаменті қызметкерлерінің айтуынша, шомылу маусымы басталғалы бері адам өлімі азайғанымен қауіпсіздік ережелерін сақтамай жүргендер азаяр емес. Биыл 31 адамға құқық бұзғаны үшін айыппұл салыныпты. Оның 10-ы баласын су жағалауында қараусыз қалдырған ата-ана. Жалпы шомылу маусымы басталғаннан бері 24 адам құтқарылды.
«Жетісу-Ақпарат»
