Қазақстанда 100 жастан асқан 448 азамат бар. Олардың ең үлкені – Ұлытау облысының тұрғыны, жақында 115 жасқа толған туған күнін атап өтті, – деп хабарлайды 7-su.kz ақпараттық порталы.
Ұзақ өмір сүретіндер саны бойынша алдыңғы орында Алматы қаласы тұр. Мұнда 100 және одан жоғары жастағы 58 адам өмір сүруде. Екінші орында – Түркістан облысы (53 адам), үшінші орында – Алматы облысы (37 адам).
Ең қарт қазақстандықтардың үштігіне: Ұлытау облысындағы 115 жастағы, Павлодар облысындағы 113 жастағы және Жамбыл облысындағы 110 жастағы қариялар кіреді.
Айта кетейік, жыл сайын 1 қазанда әлем елдерінде, соның ішінде Қазақстанда да Халықаралық қарттар күні атап өтіледі. Бұл күн егде жастағы адамдардың қоғам мен мемлекет алдындағы еңбегін дәріптеуге, олардың өмір сапасына көңіл бөлуге және оларға жан-жақты қолдау көрсетуге арналады.
