Қазақстанда автомобиль жасау саласы жаңа сатыға көтеріліп, отандық зауыттарда танымал көлік түрлерін құрастыру ауқымы кеңейіп келеді. Оңтүстік Кореямен жасалған құны 67 млн долларлық келісім аясында отандық кәсіпорын заманауи үлгідегі көліктерді өндіру құқығына ие болды, – деп хабарлайды 7-su.kz ақпарттық порталы.
Президент Қасым-Жомарт Тоқаевтың Корея Республикасына жасаған ресми сапары барысында экономикалық әріптестікті нығайтатын маңызды құжаттарға қол қойылды. Соның ішінде «Астана Моторс» серіктестігі мен Hyundai Motor Company компаниясы арасындағы келісім ерекше назар аудартады. Келісімшарт шеңберінде тараптар шағын торапты әдіс арқылы жаңа технологияларды Қазақстанға жеткізуді жөн көрді. Тұтынушылар үшін бұл қадам озық үлгідегі автокөліктерді тікелей отандық нарықтан сатып алуға мүмкіндік береді.
«Еуразиялық Топ» пен Hyundai SungWoo Casting Co. Ltd арасында құны 50 млн доллар болатын меморандум бекітіліп, автомобиль дискілерін өндіру ісі қолға алынды. Сонымен қатар QazIndustry мен Оңтүстік Кореяның KIET институты өңдеу өнеркәсібін дамыту мен цифрлық технологияларды енгізу бағытында тәжірибе алмасады. Екібастұз қаласындағы ферросилиций зауытының жұмысын жетілдіру және сирек металдарды өңдеу саласындағы ынтымақтастық ел экономикасының әлеуетін арттырады.
