5 қыркүйекте Алматыда және еліміздің 17 облысында дауыл тұруы мүмкін. Бұл туралы ескерту күшіне енді, – деп хабарлайды 7-su.kz.
Қазгидромет таратқан мәліметке сәйкес, алдағы күндері Қазақстанның көптеген аймақтарында қатты жел, нөсер жаңбыр, бұршақ, найзағай, шаңды дауыл және өрт қаупі сақталады.
Жетісу облысы
5-6 қыркүйекте солтүстік-шығыстан жел соғып, облыстың шығысында екпіні 15-20 м/с-қа жетеді.
Батыс Қазақстан облысы
Аймақтың бірқатар бөлігінде нөсер жаңбыр жауып, бұршақ пен найзағай күтіледі. Желдің екпіні 15-20 м/с дейін жетеді. Сондай-ақ облыстың оңтүстігі мен шығысында жоғары, батысында төтенше өрт қаупі бар.
Атырау облысы
Кей жерлерде найзағай ойнап, бұршақ түсіп, дауыл соғады. Өңірде өрт қаупі жоғары болып отыр.
Алматы облысы
5-8 қыркүйек аралығында облыстың көптеген аумағында, сондай-ақ Алматы мен Қонаев қалаларында төтенше өрт қаупі сақталады.
Қызылорда облысы
Түнде шаңды дауыл тұрып, желдің екпіні 15-20 м/с-қа жетеді. Өңірде төтенше өрт қаупі бар.
Қарағанды облысы
Солтүстік-шығыстан жел соғады. Өңірдің батысында және солтүстігінде жоғары, оңтүстігінде төтенше өрт қаупі күтіледі.
Абай облысы
Түнде және таңертең батысы мен солтүстігінде тұман түседі. Кей жерлерде желдің екпіні 15-20 м/с болады.
Ұлытау облысы
Солтүстік-шығыстан соққан желдің екпіні 15-20 м/с жетеді. Өңірдің шығысында төтенше өрт қаупі бар.
Шығыс Қазақстан облысы
Түнде және таңертең тұман түсіп, кей жерлерде үсік жүреді (0°С-қа дейін). Өңірдің оңтүстігінде өрт қаупі жоғары.
Маңғыстау облысы
Солтүстігінде найзағай ойнап, күндіз шаңды дауыл тұрады. Өңір бойынша төтенше өрт қаупі сақталады.
Қостанай облысы
Кей жерлерде найзағай ойнап, жел 15-20 м/с жылдамдықпен соғады. Өңірдің оңтүстігінде төтенше, батысында жоғары өрт қаупі күтіледі.
Түркістан облысы
Таулы аудандарында желдің екпіні 15-20 м/с-қа жетеді. Өңірде төтенше өрт қаупі бар.
Павлодар облысы
Түнде және таңертең батысында, солтүстігінде тұман болады.
Ақтөбе облысы
Кей жерлерде найзағай ойнап, желдің екпіні 15-20 м/с жетеді. Өңірде жоғары және төтенше өрт қаупі сақталады.
Солтүстік Қазақстан облысы
Түнде және таңертең тұман түседі, кей жерлерде найзағай ойнайды. Желдің екпіні 15-20 м/с-қа жетеді.
Ақмола облысы
Батысы мен оңтүстігінде жел күшейеді, өңір бойынша жоғары өрт қаупі сақталады.
Жамбыл облысы
Таулы аудандарда желдің екпіні 15-20 м/с құрайды. Өңірде төтенше өрт қаупі бар.
