Мемлекет басшысы Қасым-Жомарт ТОҚАЕВ биылғы «Әділетті Қазақстан: Заң мен тәртіп, экономикалық өсім, қоғамдық оптимизм» атты Қазақстан халқына Жолдауында еліміздің кадрлық әлеуетін біртіндеп арттырудың маңыздылығын атап өтті.
Ел Президенті өз сөзінде экономиканы білікті мамандармен қамтамасыз ету, бірінші кезекте су, энергетика, құрылыс және басқа да салаларда байқалатын кадр тапшылығын жою, болашақта сұранысқа ие мамандықтар үшін білікті мамандар даярлау қажеттігін ерекше атап өтті. Бұл бағытта елімізде барынша қолдау көрсетуді қажет ететін 23 белгілі шетелдік жоғары оқу орындары жұмыс істей бастады. Мемлекет басшысының айтуынша, мамандарды даярлауға мемлекеттік тапсырыс біртіндеп артып, үздік университеттердің нақты сектормен байланысы нығая түседі.
Сондай-ақ, шетелдегі ғалымдардың тағылымдамасын «академиялық туризмге» айналдыруға болмайтыны ескертілді. Белгілі болғандай, Қасым-Жомарт Тоқаевтың негізгі мақсаты – азаматтардың табысын арттыру және осы жолмен жүру үшін әділ Қазақстан құру. Менің ойымша, бұл үшін бізде барлық мүмкіндік бар. Жолдауда жаңа Салық кодексін қабылдау, көлік логистикасы, теміржол саласындағы жаңа тарифтік мәселе, атом энергетикасына қажеттілік, жасанды интеллект, цифрландыру, табиғатқа ұқыпты қарау, туризмді дамыту мәселелеріне де айрықша көңіл бөлінді.
Сонымен бірге су ресурстарын сақтау, кадр мәселесі, грант, білім беруді жетілдіру, мемлекеттік тапсырыс, бұқаралық спортты дамыту, экономикалық жағдайды жетілдіру, мемлекеттік басқару, азаматтардың қаржылық сауаттылығын арттыру мәселелері де назарға алынды. Бұған қоса, Президент 2025 жылды «Жұмысшы мамандықтары жылы» деп жариялап, қаржы саясатын озық саясатқа ауыстыру, мемлекеттік басқарудың тиімділігін, әділдігін жетілдіру, заң үстемдігін жоғары деңгейге, тәртіпке көтерудің маңыздылығына да назар аударды.
Мұның бәрі халыққа, қоғамға, мемлекетке даму, өркендеу үшін қажет. Осыған байланысты бұл Жолдау қазір біздің мемлекетіміздің әр түкпірінде басқарушылық, оқу-өндірістік салаларда, үкіметтік емес ұйымдарда кеңінен талқыланып, қолдау табуда.
Игорь Шацкий,
«Текелі энергокешені» ЖШС директорының жалпы
мәселелер жөніндегі орынбасары
Фото: akorda.kz
