30 тамыз – Қазақстан Республикасының Конституциясы күніне орай Шымкент қаласында әлеуметтік қолдауды қажет ететін азаматтарға бір реттік төлем беріледі, деп хабарлайды 7-su.kz ақпараттық порталы BAQ.KZ сайтына сілтеме жасап.
Қала әкімдігінің мәліметінше, мүгедектігі бар балаларға 19 660 теңге, ал жетім және ата-анасының қамқорлығынсыз қалған балаларға 78 640 теңге көлемінде көмек қарастырылған.
Бұл қолдау шарасы аясында Шымкентте тұратын 8 323 ерекше балаға және 673 жетім балаға қаражат аударылады. Төлемдер автоматты түрде жүргізіледі, сондықтан ата-аналар мен қамқоршылардан өтініш беру талап етілмейді.
Айта кетейік, бұл қолдау жыл сайын беріліп, дәстүрлі түрде жалғасып келеді. Биылғы төлем Конституция күніне орай ұйымдастырылып отыр.
