Қазақстан Республикасы Бәсекелестікті қорғау және дамыту агенттігінің Жетісу облысы бойынша департаменті жоспар-кестесіне сәйкес, Жетісу облысының жергілікті атқарушы органдарына тиесілі мемлекеттік кәсіпорындармен заңды тұлғаларға қатысты мониторинг жүргізді.
Аталған мониторингте 8 квазимемлекеттік сектор субъектІлері қамтылып, олардың қызмет түрлерінің заң талаптарына сәйкестігі тексерілді.
Қазақстан Республикасы Кәсіпкерлік кодексінің нормаларына сәйкес, квазимемлекеттік сектор субъектілерін құру, сондай-ақ, жүзеге асыратын қызмет түрлерін кеңейту және (немесе) өзгерту монополияға қарсы органның келісімімен жүзеге асырылады және атқаратын қызмет түрлері Қазақстан Республикасы Үкіметінің 28.12.2015 жылғы №1095 Қаулысына сәйкес келуі тиіс.
Жүргізілген мониторинг қорытындысы бойынша тиісті қорытындылар дайындалып, квазимемлекеттік сектор субъектілерінің мекен-жайына жолданды.
ҚР Бәсекелестікті қорғау саласындағы заңнаманы бұзудың алдын-алу және жою мақсатында, аталған мониторинг алдағы уақытта да жоспар-кестеге сәйкес жүргізілетін болады.
