Жаңа оқу жылы қарсаңында 5514 әскери бөлімінде дәстүрге айналған «Мектепке жол» республикалық акциясы өткізілді. Игі бастаманың негізгі мақсаты – әлеуметтік қолдауды қажет ететін және көпбалалы әскери қызметшілердің отбасыларына көмек көрсету, балаларды жаңа оқу жылына дайындау.
Іс-шара барысында бөлімнің басқарма офицерлері мен ТжӘҚЖ бөлімшесінің қолдауымен және әйелдер кеңесінің ұйымдастыруымен бірқатар әскери қызметшілердің көпбалалы отбасыларына оқу құралдары табысталды. Сонымен қатар, Мойнақ ауылындағы 2 оқушыға мектеп формасымен мектепке қажетті құрал-жабдықтар беріліп, қуаныш сыйланды.
Бұл қайырымдылық шарасы – жас ұрпақтың білімге деген құштарлығын арттырып, олардың алдағы оқу жылын көңілді әрі сенімді бастауына үлкен демеу болмақ.
ТжӘҚЖ бөлімше бастығы майор Нургожаев Данияр Ергалиевич акция барысында балаларға сәттілік тілеп:
– «Білім – адам өміріндегі ең басты қазына. Балаларымыздың оқуға деген ынтасын қолдап, олардың жарқын болашағына үлес қосу – бәріміздің борышымыз» – деп атап өтті.
Әскери бөлімде алдағы уақытта да осындай игі істер жалғасын таба бермек.
