Білім және ғылым министрлігі Орта білім комитетінің төрағасы Қаныбек Жұмашев мектепке жасанды интеллект қалай енгізілетінін мәлімдеді.
Бұл туралы 7-su.kz ақпараттық порталы Stan.kz сайтына сілтеме жасап хабарлайды.
«Арнайы жоспар жасалды. Оның негізінде жасанды интеллектіні қолдану кезінде этикалық нормаларды сақтау принципі, мұғалімдердің жоғары даярлығы жатыр. Бүгінде 200-ге жуық педагог даярланды. «Информатика» пәні «Информатика және жасанды интеллект» пәні болып өзгертіледі. Оның аясында негізгі элементтер енгізіледі. Бірақ басқа пәндер бойынша мұғалімдер де білім беру процесінде заманауи технологияларды қолдана алады. Бірақ педагогтың негізгі рөлі сақталады. Жасанды интеллект мұғалімдерді ешқашан алмастырмайды», – дейді спикер Орталық коммуникациялар қызметінде өткен брифингте.
