Мемлекет басшысы трамваймен Республика даңғылынан «Инженер» аялдамасына дейін жүріп өтіп, жаңартылған көлік инфрақұрылымының сапасы мен пайдалануға дайындығын тексерді, – деп хабарлайды 7-su.kz ақпараттық порталы.
Qarmet компаниясы екі жыл бұрын қала тұрғындарына трамвайды қайта пайдалануға берген. Содан бері қоғамдық көлік 1 миллионнан астам жолаушыны тасымалдаған.
Жоба аясында трамвайға арналған 30 шақырым рельс жолы қалпына келтіріліп, жаңартылды. Сонымен қатар, паркті заманауи үлгідегі 8 вагонмен толықтыру трамвай қозғалысының тұрақты әрі кестеге сай жүруіне мүмкіндік берді.
Жолаушыларға қолайлы жағдай жасау мақсатында трамвайларда электронды төлем жүйесі орнатылған. Ал Qarmet кәсіпорнының жұмысшылары мен ардагерлері трамваймен тегін қатынайды.
