Қазақстан Денсаулық сақтау министрлігінің өкілдері ата-аналарға жаңа оқу жылында балаға арналған сөмкені дұрыс таңдаудың маңызын ескертті, – деп хабарлайды 7-su.kz ақпараттық порталы ведомствоның баспасөз қызметіне сілтеме жасап.
Мамандардың айтуынша, қолайсыз әрі ауыр сөмке оқушының омыртқасына қосымша күш түсіріп, денсаулығына зиян тигізуі мүмкін.
Министрлік бекіткен нормалар:
-
1-3 сынып – 2 кг дейін
-
4-5 сынып – 2,5 кг дейін
-
6-7 сынып – 3,5 кг дейін
-
8-11 сынып – 4,5 кг дейін
Сонымен бірге сөмке баланың жалпы дене салмағының 10 пайызынан артық болмауы тиіс.
Мамандар мынадай талаптарды ұстануға кеңес береді:
-
кең әрі жұмсақ төсемді белдіктер;
-
омыртқаға түсетін салмақты тең бөлетін ортопедиялық арқа;
-
жеңіл әрі су өткізбейтін материал;
-
қауіпсіздік үшін жарық шағылыстырғыш элементтер.
Ата-аналарға сөмкені артық заттардан тазартып тұру, баланы оны екі иықпен асынып жүруге дағдыландыру ұсынылады. Егер салмақ нормадан асып кетсе, кітаптарды мектепте қалдыру туралы мұғаліммен келісу қажет.
