ҚР ҰҚК шегара қызметі Панфилов ауданы бойынша шегара басқармасында жеке құраммен кездесу өтті. Мақсаты – әскери қызметшілер арасында есірткі заттарын қолданудың алдын алу және зиянды әдеттерден сақтандыру.
Басқосуға қатысқан Панфилов аудандық ауруханасының нарколог-фельдшері С. Қойбағаров ашық сұхбат жүргізіп, есірткі заттарының адам ағзасына тигізетін зияны, олардың құқықтық салдары мен қоғамға кері әсерін жан-жақты түсіндірді.
Жеке құрам кездесуге белсенді қатысып, қойылған сұрақтарға нақты жауап алды. Шара соңында нарколог-фельдшер қызметшілері саламатты өмір салтын ұстануға және зиянды әдеттерден аулақ болуға шақырды.
Осындай профилактикалық іс-шаралар алдағы уақытта да тұрақты түрде өткізіліп тұрады.
Бауыржан ҚАСЫМХАН
Фото: egemen.kz
