Қазақ үшін қол- өнердің жөні бөлек. Оны меңгерудің өзі үлкен жеңіс. Қолынан іс келмеген жанның алға басуы мүмкін емес. Әр адам өзінің сүйікті ісімен айналысқанда ғана жеңіс тұғырына көтеріле алады.
Сабағымды жақсы оқимын, оқуда озатпын. Әкем Аслан Терлікбаев көлік жүргізушісі, анам Айнұр Ордаханова тігінші болып жұмыс істейді. Отбасымда төрт ағайындымыз, мен үйдің үлкенімін. Өзімнен кейінгі іні-сіңлілеріме қарап, анама көмектесемін. Анамның жанында жүріп 5 жасымнан бастап мата қиындыларынан, мақтадан әртүрлі заттар жасап, қолөнерлікке қызығушылық таныттым. Маталардан қуыршақтарыма киімдер тігемін, анам үлгісін көрсетеді, сол үлгілермен өзіме қолға ұстайтын сөмкелер тігіп алдым. Оған бәрі қызықты.
Қазіргі уақытта ауылдағы би, қолөнер үйірмелеріне қатысып жүрмін. Ол менің дамуыма айтарлықтай септігін тигізуде.
Өткен жылы мектепшілік «SMART ВALA» ғылыми жобасына қатысып I орын алып, дипломмен марапатталдым. Биыл сынып жетекшім Айгүл Таутанованың жетекшілігімен «Қыс қызығы» республикалық сурет, қолөнер байқауына қатысып, жұмысым жоғары деңгейде бағаланып, жүлделі I орыннан көріндім. Алдағы уақытта қазақтың ұлттық ою-өрнектерін жіті зерттеп, көпшілікке қажетті бұйымдарды жасауды жоспарлап жүрмін. Ұлттық қолөнерді дамыту – басты мақсатым.
Эльназ ҚАДІРХАН,
Райымбек батыр атындағы орта мектептің 3 «Ә» сынып оқушысы
Басши ауылы
