ІІМ бұл мәселедегі ұстанымын ашық айтты.
Ішкі істер министрі Ержан Сәденов Жамбыл облысында ПД бастығы бұрынғы орынбасарының ұсталуына қатысты пікір білдірді, деп хабарлайды 7-su.kz ақпараттық порталы inbusiness.kz сайтына сілтеме жасап.
Оның сөзінше, өңірде полицейлерді жаппай ұстау деректері болған жоқ.
«Өкінішке қарай, заңбұзушылықтар орын алды. Жалпы құқықбұзушылықтар, соның ішінде қылмыстар полицейдің жоғары мәртебесіне сай келмейтінін бірнеше рет айттым. Полиция қызметкері халықты қорғауы тиіс, ал бұл жерде сатқындық туралы сөз болып отыр. Сатқындармен әңгіме қысқа болады, біздің ұстанымымыз нақты әрі қатаң. Біздің ортамызда сатқындар болмауы тиіс», – деді министр.
