Ұйымдастырушылардың айтуынша, «Мектепке жол» акциясы аясындағы мұндай шаралар әлеуметтік қолдаудың нақты көрінісі болып, балалардың мектепке баруына мүмкіндік береді.
Қайырымдылық жасау – адамгершілік қарым-қатынастарды, мейірімділікті білдіреді. Бұл адамның адамға деген таза ниетін, адамгершілік қатынасын көрсететін, бір-біріне деген сүйіспеншілігі мен көмегі.
«Кең болсаң кем болмайсың» деген сөздің түпкі мағынасы жомарттық, қайырымдылық, кеңпейілділік қасиеттерді меңзейді. Адамның жасаған қайырымдылық істері ешқашан бос кетпейді. Сондықтан қайырымдылық жасау – қайтарымы мол ізгі амал.
Осы орайда Қазақстан Республикасы Конституциясының 30 жылдығы қарсаңында «Жаңа бағыт KZ» қоғамдық бірлестігі төрағасы Марат Алтынбеков көпбалалы, аз қамтылған 10 отбасының балаларына мектеп құрал-жабдығын әперіп, бүлдіршіндерді қуантты. Игі ниетте өткізілген шара арқылы жүрегі жұмсақ, қолы ашық жомарт жандардың бар екеніне тағы да көз жеткіздік.
Аудан бойынша акция аясында 1000-ға жуық баланы мектепке даярлау жоспарланған. Қазіргі таңда бұл жұмыс кезең-кезеңімен жүзеге асырылып келеді.
Жақсылық ЖОМАРТҰЛЫ
