Алматы қаласында өткен республикалық деңгейдегі маңызды спорттық шара — «Almaty TV Cup» турнирінде «QAREKET» командасы жарқын жеңіске жетті. Мереке қарсаңында ұйымдастырылған бұл турнирге еліміздің әр өңірінен спорт сүйер жастар мен кәсіпқой командалар қатысты.
«QAREKET» командасы өзінің ұйымшылдығы мен шеберлігінің арқасында барлық қарсыластарын артта қалдырып, финалда тартысты ойын көрсетті. Қарсыластардың осал болмағанына қарамастан, команда мүшелері жоғары деңгейдегі дайындық пен командалық рухтың нәтижесінде жеңіске жетті.
Турнир қорытындысы бойынша, «QAREKET» командасы бірінші орынды иеленіп, кубок пен арнайы марапатқа ие болды. Бұл жеңіс – тек спорттық бәсекеде ғана емес, сонымен қатар достық, ынтымақ пен бірліктің де жеңісі.
Команда мүшелері турнир ұйымдастырушыларына алғыстарын білдіріп, алдағы уақытта да белсенділік танытып, осындай ауқымды жарыстарда топ жарып, ел намысын абыроймен қорғауға дайын екендерін жеткізді.
”Жетісу-Ақпарат”
