Шерзат Болаттың өліміне қатысты өтіп жатқан атышулы сот ісінде кәмелетке толмаған айыпталушы – Ысқақ Думанға қатысты ерекше мәлімдеме жасалды. Марқұмның отбасының адвокаты Қаржаубай Нұрымов сотта Думанды кешіргенін жария етті, деп хабарлайды 7-su.kz ақпараттық порталы.
Сот барысында белгілі болғандай, Шерзаттың отбасынан моральдық өтемақы талап етілмеген жалғыз айыпталушы – Думан Ысқақ. Ол – бұл іс бойынша ең жас, кәмелет жасына толмаған айыпталушы.
Адвокат Қаржаубай Нұрымов соттағы пікірталас кезінде өз сөзін оқып, былай деді:
«Кәмелетке толмаған айыпталушыны жеке өзім кешіргенімді мәлімдеймін», – деді адвокат.
Бұған дейін прокурор Думан Ысқаққа Қазақстан Республикасының Қылмыстық кодексінің 434-бабы (Ауыр қылмыс туралы хабарламау) бойынша 1 жыл 6 ай бас бостандығынан айыру жазасын сұраған болатын.
