Бұл туралы 7-su.kz ақпараттық порталы inbusiness.kz сайтына сілтеме жасап хабарлайды.
Бұл туралы Қаржаубай Нұрымовтың мүддесін қорғап жүрген адвокат Мейірман Шекеев кезекті сот отырысында мәлім етті.
Адвокаттың айтуынша, «Доктор» лақап атымен белгілі Әбдірахман Бауыржан ұзақ уақыт бойы Нұрымовтың отбасын аңдып, түрлі арандатушылық әрекеттерге барған. Соған байланысты жақында өткен сот процесінде адвокат нақты талаптар қойды.
«Жауапкер Әбдірахман Бауыржанды сот шешімі заңды күшіне енген соң 5 күн ішінде TikTok әлеуметтік желісінде Қаржаубай Полатұлынан ресми түрде кешірім сұрап, теріске шығаруды және бұл кешірім видеосын өз парақшаларында – maskarad778 және өзге де аккаунттарында кемінде 30 күн бойы ашық жариялап қоюға міндеттеуді сұраймыз», – деді Мейірман Шекеев.
Сот отырысында судья жауапкерден кінәсін мойындайтынын нақтылаған. Бұл сұраққа Әбдірахман Бауыржан кінәсін толық мойындағанын жеткізді.
Медиация арқылы татуласу мүмкіндігі қаралған сәтте адвокат қарсы тарапқа тікелей сұрақ қойған:
«Қаржаубайдың отбасын не себепті аңдып жүрсіз?»
Жауапкер бұл сұраққа былай деп жауап берген:
«Қазақстан азаматы, қазақ болған соң, ол жерде болған істі көріп, ашуланып, соның бәрін істедім. Бұл – менің азаматтық позициям. Мен оны батыр қылуға жол бермеймін», – деді ол.
Қазіргі таңда сот процесі жалғасып жатыр. Қоғам назарына іліккен бұл іс бойынша түпкілікті шешім жақын арада шығуы мүмкін.
