Кездесу барысында тараптар өткізу бекетінің жұмыс барысымен танысып, ауыр жүк көліктерінің жүргізушілерімен пікір алмасты. Шекарадағы әкімшілік кедергілер мен тасымалдаушыларға кері әсер ететін кідірістер де назардан тыс қалмады.
Келіссөздер нәтижесінде тараптар шекарадағы «тар жерлерді» бірлесіп жою және транзиттік тасымал үшін қолайлы жағдай жасау туралы келісімге келді. Сондай-ақ, екі елдің бейінді мамандарынан құралған тұрақты жұмыс тобын құру жөнінде уағдаластыққа қол жеткізілді. Бұл жұмыс тобы шекаралық және көліктік өзара іс-қимыл мәселелерін жүйелі түрде талқылап, нақты шешімдер қабылдауға мүмкіндік береді.
Министрлік деңгейіндегі келіссөздердің келесі кезеңі бір ай ішінде өтуі жоспарланып отыр.
Айта кетейік, 2024 жылдан бастап Қазақстан мен Қытай рұқсат бланкілерімен алмасудың электрондық форматына көшкен. 2025 жылы тараптар халықаралық тасымалға арналған 90 мың электрондық рұқсат бланкісін алмастырды.
