1 қазаннан бастап қазақстандықтардың өмірінде қандай өзгерістер болады?
Қарттар күні
1 қазан – елімізде қарттар күні. Бұл күн 1990 жылы 14 желтоқсанда БҰҰ Бас ассамблеясының шешімімен Халықаралық қарттар күні болып жарияланған. Қазақстанда да жыл сайын аталып өтетін мерекенің басты мақсаты – аға буынға құрмет көрсету.
Мұғалімдер күні
5 қазан – Қазақстандық ұстаздардың кәсіби мерекесі. Бұған дейін республикада Мұғалімдер күні қазан айының бірінші жексенбісінде тойланып келген. 2023 жылдан бастап, бұл мереке халықаралық күнтізбеге сәйкес, 5 қазанда атап өтіледі. Бүгінде әлемнің 100-ден астам елінде бұл күн ресми мереке ретінде бекітілген.
Мұғалімдер күні – білім беру саласындағы барлық қызметкерлердің кәсіби мерекесі. Дәстүр бойынша, бұл күні ұстаздарға алғыс айтылып, еңбегі сіңген педагогтар марапатталады.
