Қазақстанның 9 өңіріндегі 50 мектепте жүзеге асқан отандық «ДосболLIKE» бағдарламасының апробациясы аяқталды. Бағдарлама мектептердегі буллингтің алдын алуға және оның деңгейін төмендетуге бағытталған, деп хабарлайды 7-su.kz ақпараттық министрлігі Оқу-ағарту министрлігінің баспасөз қызметіне сілтеме жасап.
Жобаға 70 мыңға жуық оқушы мен 5,5 мыңнан астам педагог қатысты. Бағдарлама бірнеше кезеңнен тұрды:
- қазіргі ахуалды диагностикалау,
- мектепішілік алдын алу жүйесін құру,
- педагогтерді оқыту,
- ата-аналарды тарту.
Әр мектеп өз ішіндегі жағдайға талдау жасап, оқушылар, мұғалімдер және ата-аналар қатысқан буллингке қарсы іс-қимыл моделін қалыптастырды.
Апробация қорытындысы бойынша жүргізілген сауалнамалар мектеп ортасында оң өзгерістердің байқалғанын көрсетті. Атап айтқанда:
- буллингке қатысушы агрессорлар саны 1,5%-ға,
- өзін жәбірленуші сезінетін оқушылар саны 5,4%-ға азайған.
Сонымен қатар, сенім арта алатын ересек тәлімгері бар балалардың саны үш есе артқан.
Біз тек жанжалдардың азайғанын ғана емес, мектеп қауымдастығы ішіндегі сенім мен қолдаудың артқанын көріп отырмыз. Бұл – қауіпсіз әрі қолдаушы орта қалыптастырудың басты шарты, — деді Балалардың құқықтарын қорғау комитетінің төрағасы Насымжан Оспанова.
2025 жылдың 1 қыркүйегінен бастап, «ДосболLIKE» бағдарламасы барлық мектептер мен колледждерде енгізіле бастайды. Қазіргі уақытта ауқымды іске асыруға дайындық жүріп жатыр.
