Қазақстанда қазақ ым-ишара тілі мен дактиль әліпбиін ресми түрде мойындау жұмыстары жүргізіліп жатыр. Бұл туралы ҚР Премьер-министрінің орынбасары Ермек Көшербаев мәжіліс депутаттарының сауалына берген жауабында мәлімдеді, деп хабарлайды 7-SU.KZ.
Қазіргі таңда бұл мәселе жан-жақты зерделеніп, ым-ишара тіліне ресми мәртебе беру жолдары қарастырылуда. Сонымен қатар, ресми мәртебе алған шет мемлекеттердің тәжірибесі зерттеліп жатыр.
Оқу құралдары мен мұғалім даярлау:
-
Есту қабілеті бұзылған балаларға арналған 25 оқулық әзірленді;
-
2030 жылға дейін тағы 30-ға жуық оқулық шығару жоспарланған;
-
«Сурдопедагогика» бағдарламасы 3 жоғары оқу орнында жүзеге асырылуда;
-
Арнайы педагогика бағытында мұғалімдер даярлайтын бағдарламалар 17 ЖОО-да бар.
Бұл бастама еліміздегі инклюзивті білім беру мен мүмкіндігі шектеулі азаматтардың қоғамға толыққанды араласуына жол ашпақ.
