Бейсенбі, 2025 жылғы 4 қыркүйекте Қазақстанның кейбір өңірінде найзағай ойнап, кей тұста нөсер жаңбыр жауады, сондай-ақ бұршақ түсіп, үсік жүреді, жел қатты екпін алады, деп хабарлайды 7-su.kz ақпараттық порталы.
Болжам бойынша, еліміздің оңтүстігі мен оңтүстік-шығысында ауа райы, негізінен, жауын-шашынсыз болады.
Қазақстан аумағының басым бөлігі солтүстік-батыс циклонның және онымен байланысты атмосфералық фронтальды бөліктердің ықпалында болады. Найзағай ойнап, жаңбыр жауады. Батыс пен оңтүстік-батыста нөсер жаңбыр күшейеді. Солтүстік, батыс және оңтүстік-батыс аймақтарда бұршақ түсуі, дауыл соғуы ықтимал. Республика бойынша ортақ құбылыс – желдің күшеюі. Сонымен қатар, оңтүстікте шаңды дауыл, ал солтүстік, шығыс, батыс және орталық өңірлерде түнде және таңертең тұман түседі, – деп хабарлады «Қазгидромет» РМК-ның баспасөз қызметі.
Қарағанды облысының солтүстігі мен шығысында топырақ беті қатады, сынап бағаны -2°С дейін төмендеуі мүмкін.
