Шерзат Полат пен Нүкенованың өлімін зерттеген тәуелсіз сарапшы Тахир Халимназаров өмірден не нәрседен қорқатынын айтты. Ол марқұм Шерзат Полаттың әкесі Қаржаубай Нұрымовтың адвокаты Мейірман Шекеевпен бірге берген сұхбатында бөлісті.
Бұл туралы 7-su.kz ақпараттық порталы Azattyq-ruhy.kz сайтына сілтеме жасап хабарлайды.
«Өміріңіз мәйітханада өтті, жүрегіңіз бар екен ғой дейді. Мен одан қорықпаймын. Бірақ қорқынышты кинолар мен биіктіктен қорқамын. Үшінші қабаттан жоғары тұратын туысым бар, қонаққа шақырса, бармаймын. Өйткені, білмеймін, сондай бір сезім бар. Балконнан төмен қарағанда жаман болып кетемін. Сол сияқты жер сілкінісінен де қорқамын. Сол күні мен сөйлеп жатқанда сілкініс болды, аздап қорқып кеттім», – деді Тахир Халимназаров.
Сұхбат барысында адвокат Мейірман Шекеев те өз пікірін білдіріп, соттағы оқиғаларды еске алды:
«Жұрт мәйіттен қорқып қашып жүрсе, бұл кісі оның ортасында жүреді. Сол күні жер сілкініп жатса да, мен үшін бастысы – сұрақ қойып, жауабын алу болды. Судьяға «Бісміллә» деп ары қарай жалғастыра берейік дедім», – деді ол.
Айта кетейік, Халимназаров Шерзат Полат пен Нүкенованың өліміне қатысты резонансты іс бойынша тәуелсіз сарапшы ретінде қатысқан.
