Биыл Қазақстан Республикасының Конституциясына 30 жыл толып отыр. Бұл – еліміздің тарихындағы аса маңызды белес, мемлекеттік дамудың жаңа кезеңін айқындайтынайтулы мерейтой.
Ата Заң – Қазақстан халқының ғасырлар бойғыарман-мүддесінің, егемендікті нығайту жолындағытабанды талпынысының заңды нәтижесі. 1995 жылы бүкілхалықтық референдум арқылықабылданған Конституция – еліміздің тәуелсіздігімен тұтастығының, демократиялық даму бағытының, азаматтық құқықтар мен бостандықтардың кепілі болды.
Осы 30 жыл ішінде Қазақстан Конституция аясында қарыштап дамып, халықаралық аренадабеделді мемлекетке айналды. Конституция мемлекеттіліктің іргетасын қалап қана қоймай, қоғамдағы тұрақтылық пен бірліктің, бейбітшілікпен келісімнің берік тірегіне айналды.
Ата Заңымыздың басты құндылығы – адамжәне оның құқықтары. Бұл қағидат Қазақстанныңдемократиялық, зайырлы, құқықтық жәнеәлеуметтік мемлекет ретінде орнығуына жол ашты. Конституция әрбір азаматқа тең мүмкіндік беріп, ел дамуына өз үлесін қосуға жағдай жасады.
Бүгінгі мерейлі күн – барша қазақстандықтарүшін ортақ қуаныш. Ол – тәуелсіздіктің тірегіболған заңымызды қастерлеудің, ел бірлігіннығайтудың мерекесі.
Құрметті қазақстандықтар!
Ата Заңымыздың 30 жылдық мерейтойықұтты болсын! Баршаңызға амандық, береке-бірлік, игілікті істер мен толағай табыстартілеймін. Егемен еліміздің іргесі берік, болашағы жарқын болсын!
Медет МҰҚАТАЙ
Жетісу облыстық мәслихатының депутаты
