Әскери ортада құқық бұзушылықтарды болдырмау және тәртіпті нығайту мақсатында тәрбие және әлеуметтік-құқықтық жұмыстар бөлімшесінің көмекшісі (жастармен жұмыс жөніндегі) лейтенант Берік Мамажанов пен 5514 әскери бөлімінің әскери полиция бөлімшесінің офицері лейтенант Жандар Шілдебаевпен бірлесіп, мерзімді әскери қызметшілері үшін профилактикалық іс-шара ұйымдастырды.
Іс-шара аясында сарбаздар Талдықорған қаласындағы ҚАЖ №71 тергеу изоляторына экскурсияға барды. Бұл профилактикалық шараның негізгі мақсаты – әскери қызметшілер арасында құқықтық мәдениетті арттыру, тәртіп пен заңды құрметтеудің маңыздылығын түсіндіру, құқық бұзушылықтың салдарын нақты мысалдар арқылы көрсету болды.
Сапар барысында әскери қызметшілер тергеу изоляторының ішкі тәртібімен, онда ұсталатын адамдардың жағдайымен және қылмыс жасағандардың тағдырымен танысты. Мұндай тәжірибелік дәрістер сарбаздардың санасына заңға бағынудың маңызын ұғындырып, әскери ұжымдағы тәртіп пен бірлікті нығайтуға ықпал етеді.
Осындай іс-шаралар әскери бөлімде жеке құрамды тәрбиелеу жұмыстарының жүйелі түрде жүргізіліп жатқанын көрсетеді. Олар жас сарбаздарға құқық бұзушылықтан аулақ болу, өз міндетін адал атқару және Отанға адал қызмет ету қажеттілігін тағы да еске салады.
