Жетісу облысы, Алакөл ауданы, Қызылащы ауылдық округі әкімінің сайлауы өткізілді, – деп хабарлайды 7-su.kz ақпараттық порталы
Осыған орай, бүгін Қызылащы ауылдық округінің әкімін тағайындауға байланысты жергілікті қоғамдастық өкілдерімен кездесу өтті. Сайлау қорытындысына сәйкес, Алакөл ауданы аумақтық сайлау комиссиясының қаулысы негізінде Санкаев Дәулет Әмірұлы Алакөл ауданы Қызылащы ауылдық округінің әкімі лауазымына тағайындалды.
Дәулет Санкаев Үшарал қаласында дүниеге келген, ұлты – қазақ, жоғары білімді. Жалпы еңбек өтілі – 30 жыл.
Кездесу барысында Алакөл ауданы әкімі Алмас Абдинов жаңадан тағайындалған округ әкіміне жүктелетін негізгі міндеттер нақтылап, ауылдың әлеуметтік-экономикалық дамуын ілгерілету, инфрақұрылымды жаңғырту және тұрғындардың өмір сүру сапасын арттыру бағытында нақты тапсырмалар берді.
