Сарқан ауданында «Таза Қазақстан» экологиялық акциясы аясында «Таза сәрсенбі» шарасы ұйымдастырылып, оған 800-ге жуық тұрғын қатысты. Сондай-ақ, 15 арнайы техника жұмылдырылды, – деп хабарлайды 7-su.kz ақпараттық порталы.
Сенбілік барысында демалыс орындары мен саябақтарда тазалық жұмыстары жүргізілді. Қатысушылар қоқыстарды жинап, қураған ағаштарды кесіп, жасыл желектерге күтім жасады.
Белгіленген аумақтарда ауданның түрлі мекемелерінің қызметкерлері белсенділік танытып, қоршаған ортаны қорғауға бағытталған шараға атсалысты.
Мұндай сенбіліктер Сарқан өңірінің экологиялық жағдайын жақсартып қана қоймай, тұрғындарды табиғатқа жанашырлықпен қарауға шақырады.
