6 тамыз күні Қазақстанның 17 өңірінде қолайсыз ауа райына байланысты дауылды ескерту жарияланды. Бұл туралы «Қазгидромет» РМК баспасөз қызметіне сілтеме жасап 7-su.kz ақпараттық порталы хабарлайды.
Метеорологтар еліміздің түрлі аймақтарында найзағай, бұршақ, қатты жаңбыр, желдің күшеюі, сондай-ақ аптап ыстық пен шаңды дауыл болатынын ескертеді.
Ауа райы болжамы бойынша:
Астана қаласында найзағай соғып, жел екпіні секундына 20 метрге дейін күшеюі мүмкін.
Алматы, Жетісу, Абай, Шығыс Қазақстан, Қарағанды, Ұлытау, Қостанай, Солтүстік Қазақстан, Павлодар және Ақмола облыстарында:
-
найзағай,
-
бұршақ,
-
қатты жаңбыр,
-
желдің күшеюі болады.
Кейбір аудандарда тұман түсуі мүмкін.
Маңғыстау, Қызылорда, Атырау, Ақтөбе, Түркістан және Батыс Қазақстан облыстарында:
-
аптап ыстық пен
-
шаңды дауыл болжанып отыр.
Ауаның температурасы +38…+40°С дейін көтерілуі мүмкін.
Сонымен қатар, көптеген өңірлерде жоғары және төтенше өрт қаупі сақталады.
Қауіпсіздік шаралары:
Мамандар тұрғындарды ауа райының күрт өзгеруіне дайын болуға, қажет болмаса алыс жолға шықпауға, ашық далада абай болуға шақырады.
Қауіпсіздік мақсатында Төтенше жағдайлар қызметінің нұсқауларын қатаң сақтау ұсынылады.
