«Қазгидромет» синоптиктері сәрсенбі, 27 тамызға арналған ауа райы болжамын ұсынды. Елдің бірқатар өңірінде аптап ыстық күтіліп, жел күшейіп, күн күркірейді. Осыған байланысты дабылды ескерту жарияланды, деп хабарлайды 7-SU.KZ.
🔹 Солтүстік Қазақстан облысында – найзағай ойнап, тұман түседі, жел соғады.
🔹 Атырау облысында – күн күркіреп, бұршақ жаууы мүмкін. Жел күшейіп, дауыл соғады. Өрт қаупі жоғары.
🔹 Қостанай облысында – найзағай ойнап, жел тұрады. Ауа температурасы +35°С-қа дейін көтеріліп, жоғары өрт қаупі сақталады.
🔹 Ақтөбе және Ұлытау облыстарында – +37°С-қа дейін қатты ыстық болады. Төтенше өрт қаупі бар.
🔹 Атырау, Семей, Тараз, Талдықорған, Жезқазған қалаларында – жоғары өрт қаупі сақталады.
🔹 Өскемен, Қостанай, Жамбыл, Жетісу, Қарағанды, Абай және Шығыс Қазақстан облыстарында – желдің екпіні 15-18 м/с-қа дейін күшейеді. Жоғары өрт қаупі сақталады.
