Қазгидромет синоптиктері 2 мамыр еліміздің 8 өңірінде үсік жүруі мүмкін екенін айтты, деп хабарлайды 7-su.kz желілік басылымы.
Қазақстан бойынша жел күшейеді, республиканың батысында, оңтүстігінде, оңтүстік-шығысында – найзағай, оңтүстік-шығысында таулы аймақтарында – бұршақ, солтүстігінде және шығысында – тұман, оңтүстік-батысында, оңтүстігінде — шаңды дауыл соғады.
Қостанай облысының солтүстік-шығысында, Ұлытау облысының солтүстігінде, Жетісу облысының таулы аудандарында 2 градусқа дейін үсік жүреді.
Атмосфералық фронтаттардың әсерінен республиканың батысында, оңтүстік-батысында жаңбыр жауады.
Маңғыстау облысында күндіз кей уақыттарда қатты жаңбыр болады.
Еліміздің шығысында және оңтүстік-шығыс аудандардың таулы аймақтарында жаңбыр мен қар жаууы мүмкін.
Алматы облысында кей уақытта қатты жауын-шашын (жаңбыр, қар) жауады.
Түнде Ақмола, Павлодар, Солтүстік Қазақстан, Қарағанды облыстарында, Алматы облысының таулы аудандарында 1-6 градус үсік сақталады.
Фото: ашық дереккөзден
«ЖЕТІСУ» АҚПАРАТ
