Үкімет қаулысымен Талғат Амангелдіұлы Момышев Су ресурстары және ирригация вице-министрі қызметіне тағайындалды. Бұл туралы Үкіметтің баспасөз қызметі хабарлады, деп хабарлайды 7-su.kz ақпараттық порталы.
Талғат Момышев 1968 жылы Ақмола облысында дүниеге келген. Еңбек жолын коммерциялық салада бастаған. Әр жылдары мемлекеттік қызмет пен түрлі құрылымдарда басшылық лауазымдар атқарды.
Еңбек өтілі:
-
1997–2000 жылдары Жамбыл облысында стандарттау және әкімдік құрылымдарында қызмет етті;
-
2000–2010 жылдары ҚР Индустрия және сауда министрлігінде түрлі басшылық лауазымдарда болды;
-
2010–2016 жылдары Мұнай және газ, Энергетика министрліктерінде комитет төрағасы қызметін атқарды;
-
2016–2018 жылдары ҚР Президенті Әкімшілігінде мемлекеттік инспектор болды;
-
2018–2019 жылдары Жамбыл облысы әкімінің орынбасары қызметін атқарды;
-
2019–2021 жылдары ҚР Энергетика министрлігінде жауапты хатшы әрі аппарат басшысы болды;
-
2021–2023 жылдары Экология, геология және табиғи ресурстар вице-министрі болды;
-
2023–2024 жылдары ҚР Сауда және интеграция министрлігі «Ұлттық аккредиттеу орталығы» РМК бас директоры болды;
-
2024 жылдан бері Еуразиялық экономикалық комиссияда департамент директоры қызметін атқарды.
