Біржан сал көшесі бойынша Назарбаев көшесі мен Қабанбай батыр көшесі арасында арбатты қайта жасау жұмысы соңғы рет 2016 жылы «Асыл Тау» ЖШС мердігерлік ұйымымен 112,1 млн. теңгеге жүргізілген.
Осыған байланысты «Redline Pro» ЖШС жобалау ұйымы Біржан сал мен Төлебаев көшесі бойынша (Біржан сал көшесі, Құрманов көшесінен Жансүгіров көшесіне дейін, Төлебаев көшесі, Қазахстан көшесінен Ескелді Би көшесіне дейін) жалпы ұзындығы 2,8 шақырым жаяу жүргіншілер аймағын жасау бойынша жобалау жүргізуде.
Жоба шеңберінде шағын архитектуралық нысандар (орындықтар, урналар, еден шамдары, тағы басқалары) орнатылып, жаяу жүргіншілер жолы жасалмақ. Сонымен бірге көгалдандырылып, тас пен асфальт төсеу, басқа да абаттандыру жұмыстарын жүргізу көзделген.
Айгүл БАЙЖҰМАҚЫЗЫ
Талдықорған қаласы
Сурет ғаламтордан алынды
