Талдықорған қаласындағы емдеу мекемелерінің бірінің «Г» санатындағы (токсикологиялық, оның ішінде құрамында сынап бар қалдықтар) қауіпті қалдықтарын осы қызметке заңды негізі жоқ мердігер ұйым кәдеге жаратқан.
Бұл туралы Azattyq Rýhy Жетісу облыстық прокуратурасына сілтеме жасап хабарлайды.
Прокурорлар жеке кәсіпкердің қалдықтардың осы түрін кәдеге жарату құқығын беретін жалған мемлекеттік лицензияны пайдаланғанын анықтады.
«Прокурорлар қозғаған қылмыстық іс бойынша кінәлі адам жалған құжат жасағаны және көрінеу жалған құжат пайдаланғаны үшін сот үкімімен сотталды (ҚР Қылмыстық кодекстің 385-бабының 1-бөлігі және 3-бөлігі). Үкім заңды күшіне енді», — делінген хабарламада.
Фото: freepik.com
