Талдықорған қаласындағы орталық саябаққа ағымды жөндеу жұмыстары жүргізілуде. Мамандардың мәліметінше, енді Жетісу облысының орталығындағы саябақтарды ретке келтіру жұмыстары кезең-кезегімен қолға алынбақ.
Қала әкімдігі өкілінің сөзінше, Талдықорған қаласындағы орталық саябақ 2017 жылы мемлекет меншігіне қайтарылып, күрделі жөндеуден өткізілгеннен кейін ел игілігіне берілген болатын. Бүгінде Талдықорған қаласы аумағында 126 гектар аумақты алып жатқан 5 саябақ, 40-қа жуық алаң бар. Оларды күтіп-ұстауға жауапты арнайы мердігер ұйымдар бекітілген. Ондағы жұмысшылар саябақтар мен алаңдардың тазалығын сақтап, өсімдіктерін суарып, арам шөптерін отап, ағаштарын кесіп баптап тұруға міндетті.
– «Дейтұрғанмен әр күн сайын аймақтағы саябақтар мен алаңдардың аумағы қоқыстардан қанша тазартылғанмен кей жерлері сын көтермейтін жағдайға жеткен. Осыған байланысты қазір шаһар тұрғындарының басым көпшілігі демалатын «Жастар» және орталық саябақтарын қалпына келтіру жұмыстары басталды. Бұған дейін мұнда жол төсемелері ауыстырлса, енді орталық саябақтың аркаларын қайта жаңғырту жұмыстары қарқынды жүргізілуде», – дейді жауаптылар.
Айдын КӘЛІМХАН
