14 жастағы Карина Дорохинаның жоғалып кеткенін айтып анасы полициядан көмек сұраған. 2023 жылдың 28 желтоқсанында қызды туған әкесінің туыстары іздей бастаған. Әйел сол кезде барып қыздың жоғалып кеткенін полицияға хабарлаған. Әйелді тыңдау кезінде оқушының қараша айынан бастап жоқ екені белгілі болады.
Әйел бірнеше тергеуден өтіп, өз өтірігіне өзі шалына бастаған. Ақыр соңында ол тергеушілерге бар шындықты айтқысы келетінін айтады. Әйелдің бірінші мойындауында ол Талдықорғандағы күйеуінің көлік жөндеу орталығында қызымен келіспей, ұрысып қалады. Қатты ашудан қолына жіп алып, оны қылқындырып өлтірдім деген. Екінші бір әңгімесінде қызды өгей әкесі, өзінің екінші күйеуі ұрып өлтірді дейді. Оқушы қыз қайтыс болған сәтте ерлі-зайыпты Айсабакиевтер оны жол талғамайтын көлікке салып, Текелі жақтағы тау бөктеріне апарып, көміп тастапты.
Әйел екінші күйеуі өлімді өз мойнына алуын сұрағанын да айтқан. Әйел баласының өлімін өз мойнына алса, жаза жеңілдеу болады деп сендірген.
Қазір бала өліміне күдікті екі азаматты тергеушілер мен құқықтық орган қызметкерлері бірнеше рет ертіп, тауға барып, мәйітті таппай қойған. Өйткені таудың биік шатқалында қарашадан бері бірнеше рет қар көшіп, көмілген орнынды табуға кедергі келтірген көрінеді.
Полиция оқиғаның мән жайын ашық айтпағанымен ерлі-зайыптылардың тергеу абақтысына жеткізілгенін растап отыр. Жағдай әлі тергеліп жатыр.
Дереккөз: kyn.kz
Фото: жеке мұрағаттан
