Жетісу облысының орталығы Талдықорғанда жол белгілерін қалпына келтіру жұмыстары жүрізіліп жатыр.
Сондай-ақ қазір шаһардағы аялдамалар жуылып, сырланып, тозғандары қайта жаңартылуда.
Мамандардың мәліметінше, өткен жылы қала аумағына 17 бағдаршам орнатылып, 500-ге жуық жол белгілері қойылған болса, биылғы жылы жол қауіпсіздігін сақтау мақсатында тағыда 4 бағдаршам орнатылған. Сонымен бірге алдағы уақытта қала аумағына тағы 200-ге жуық жол белгілері қойылмақ.
– «Қаланың таза әрі көрікті болуы көпке көтеріңкі көңіл-күй сыйлайды. Осыған байланысты бүгінде Талдықорған қаласында түрлі тазалық шаралары ұйымдастырылып, көп қабатты тұрғын үйлердің қасбеттері әшекейленіп, аулаларды абаттандыру жұмыстарымен қатар жолдар жасалып, жол белгілері тегіс реттелуде. Сонымен қатар жаяу жүргіншілерге арналған жол жолақтары айшықталып, бағдар шамдар орнатылып, қала аумағындағы 300-ге жуық автобус аялдамалары да жуылып, жарнамалық баннерлер жаңартылуда. Мұндай жұмыстар бұдан былай да жалғасады», –дейді жауаптылар.
Айдын КӘЛІМХАН
