Талдықорған қаласындағы Назарбаев Зияткерлік мектебінің оқушылары Тұран университеті ұйымдастырған халықаралық турнирдің жеңімпаздары атанып, пікірталаста ерекше шеберліктерін көрсетті.
Зияткерлік жарыстар Алматы қаласында өтті, онда еліміздің түкпір-түкпірінен 48 команда жиналып, білімдерін сынады. Пікірсайыс 7 турдан тұрды.
Нәтижесінде Зияткерлер бір жыл бойы Тұран Университетінде тегін оқуға сертификаттар жеңіп алды. Бұл берілген мүмкіндік оқушылардық кәсіби өсуіне жаңа көкжиектер ашады.
— Пікірсайысқа қатысу біздің шешендік шеберлігімізді дамытып қана қоймай, сыни тұрғыдан ойлауға және өз ұстанымымызды дәлелдеуге үйретеді. Ұйымдастырушыларға бірегей алғыс айтамыз, — дейді 11 — сынып оқушысы Айсұлтан Әуелбай.
Пікірталас-білім беру процесінде маңызды рөл атқарады, көпшілік алдында сөйлеу, топтық жұмыс дағдыларын дамытуға көмектеседі. Аталмыш қасиеттер кез — келген салада табысты мансап үшін өте маңызды, ал турнирде жеңіске жету-біздің талантты оқушыларымыздың бастамасы ғана.
«Жетісу-Ақпарат»
