Талдықорғанда TikTok әлеуметтік желісіндегі тікелей эфир кезінде балағат сөздер айтқан 18 жастағы бойжеткен әкімшілік жауапкершілікке тартылды, – деп хабарлайды 7-su.kz ақпараттық порталы.
Елімізде интернет кеңістігі мен әлеуметтік желілердегі тәртіпті бақылау жұмыстары күшейтілуде. Ішкі істер министрлігінің мәліметінше, жергілікті полиция қызметкерлері желіге жүйелі түрде мониторинг жүргізу барысында аталған құқықбұзушылықты анықтады. Желі қолданушысы онлайн трансляция кезінде әдепсіз сөздер сөйлеп, қоғамға және айналасындағыларға сыйластық танытпаған.
Жинақталған іс-қағаздар заңды шешім қабылдау үшін жауапты органға жолданды. Сот шешіміне сәйкес, азаматшаға 20 АЕК, яғни 86-500 теңге көлемінде әкімшілік айыппұл арқалады. Мемлекеттік органдар виртуалды әлемде жасалған кез келген әдепсіз әрекет шынайы өмірдегідей құқықтық жауапкершілікке әкелетінін қатаң ескертеді.
Цифрлық технологиялар заманында әлеуметтік желілер тек қарым-қатынас құралы емес, қоғамдық кеңістіктің ажырамас бөлігіне айналды. Осыған байланысты желідегі әрбір сөз бен іс-әрекет арнайы құқықтық нормалармен реттеледі.
Ұсақ бұзақылық, яғни қоғамдық орындарда немесе онлайн эфирде балағат сөйлеу, өзгелерді қорлау азаматтардың тыныштығын бұзады. Мұндай әрекеттер үшін Қазақстан Республикасының Әкімшілік құқық бұзушылық туралы кодексіне сәйкес 20 АЕК көлемінде айыппұл салу немесе 5-15 тәулікке дейін әкімшілік қамаққа алу шаралары қарастырылған.
Тәртіп сақшылары интернет пайдаланушыларына мынадай қарапайым ережелерді еске салады:
-
Сөйлеу мәдениетін сақтау: Онлайн эфирлерде әдепсіз сөздер мен қорлау сөздерін қолданбау.
-
Цифрлық сауаттылық: Тікелей эфирді жүздеген, тіпті мыңдаған адам көретінін және оның ішінде кәмелетке толмаған балалар болуы мүмкін екенін ұмытпау.
-
Құқықтық жауапкершілік: Виртуалды анонимдік жазадан құтқармайды, цифрлық із арқылы кез келген заңбұзушыны табу оңай.
