Талдықорған қаласының тұрғындары үшін тамаша жаңалық. Енді қала орталығындағы Гауһар ана көшесімен қоғамдық көлік (автобус) жүреді.
Бұған дейін көліктер тек Ақын Сара көшесінен Шевченко көшесіне дейін бір бағытта ғана қатынайтын. Енді жол кеңейтіліп, темір тұлпарлар Шевченко көшесінен Ақын Сара көшесіне дейін екі бағытта да жүре алады.
Сонымен қатар, Гауһар ана көшесі заңсыз сауда нүктелерінен тазартылып, жол кеңейтілді. Қала әкімдігі тарапынан атқарылып жатқан осындай шаралар көшенің эстетикалық келбетін жақсартып қана қоймай, қозғалыс қауіпсіздігін де арттырды. Бұл өзгеріс базардағы кептелісті жойып, адамдардың жүріп-тұруын ыңғайлы етпек.
Тағы бір маңызды жаңалық – Ақын Сара мен Қабанбай батыр, сондай-ақ Ақын Сара мен Назарбаев даңғылы қиылыстарында қосымша бұрылу шамдары іске қосылды. Енді бұрынғыдай ұзын-сонар кептеліс азайып, жүргізушілерге жеңілдік жасалуда.
Мәулен Әнербай
