Б.Римова атындағы Талдықорған драма театры 16 қыркүйек күні 49-театр маусымын С.Әбдіхалықовтың «Көке» шығармасының премьерасымен ашпақ.
Мақсаты десеңіз, Қазақстан Республикасының Жетісу облысының Сыбайлас жемқорлыққа қарсы агенттігінің тапсырысы бойынша сахналанған қойылым бүгінгі қоғамның өзекті мәселелерін ашып көрсетеді.
Ал артықшылығы болса, «аталған қойылым жас режиссердің қолтаңбасымен заманауи үлгіде, комедиялық жанрда көрерменге жол тартады» делінген бізге жеткен ақпарда.
Қысқасы, 90 жастағы Дөкей Көкейұлы жан тапсырмай тұрып, оның жаназасына дайындықты бастап кеткен мекеме басшысы Сеппек Леппекұлының қол астындағы қызметкерлерімен біріге жасаған құйтырқы әрекеттері күлкілі бейнеленеді. Көрерменді күлдіре отырып, шындықты шырылдата айтатын өнер ұжымының кезекті қойылымы көрушінің көңілінен шығатыны сөзсіз.
Шығарма авторы ҚР Еңбек сіңірген қайраткері, актер, режиссер – Сәбит Әбдіхалықов. Режиссері – Рамазан Үсен. Қоюшы-суретшісі ҚР мәдениет саласының үздігі, ҚР Суретшілер одағының мүшесі – Қарлығаш Шалабаева.
Премьера 16 қыркүйек күні, 19.00-ге жоспарланған.
