Достық стансысының теміржолшылары алғашқы болып келіп, өз таңдауларын жасады, – деп хабарлайды 7-su.kz ақпараттық порталы.
Таңмен таласа келген теміржолшылар учаскеге ұйымшылдықпен келіп, азаматтық белсенділіктің жарқын үлгісін көрсетті. 80 теміржолшы арнайы келіп, ел болашағына қатысты маңызды таңдауда өз дауысын берді.
Теміржолшылардың «жолды бірінші ашатын» кәсібіне сай, бүгін де олар сайлау учаскесінің алғашқы қонағының бірі болып, жаңа күнді жауапты қадаммен бастады. Ел игілігі үшін күн-түн демей еңбек ететін бұл сала қызметкерлері қоғамдағы белсенділіктің үлгісін көрсетіп, өзгелерге де серпін берді.
Таңғы салқын самалмен бірге басталған бұл белсенділік – теміржолшылардың ел тағдырына бейжай қарамайтындығын, әр азаматтың дауысы маңызды екенін тағы бір мәрте дәлелдеді.
