Кезекті қоғамдық қабылдау өткізген облыс әкімі Бейбіт ИСАБАЕВ жұртшылықтың әлеуметтік-экономикалық мәселелерге қатысты қойған сауалына жауап берді.
Қабылдауға алғаш болып кірген Сарқан ауданының тұрғыны, II топтағы мүгедек Нұржамал Тазанова 30 жыл бұрын өз пайына алынған жерді қайтарып берсе, мемлекеттің тұрғын үй қорынан тұрғын үй берілсе деген өтінішпен келіпті. Аймақ басшысы Сарқан ауданының әкімі Ғалымжан Маманбаевқа жер бойынша өтініш иесінің мәселесін бақылауға алуды тапсырды. Ал тұрғын үй кезегінде 10-шы болып тұрған отбасына баспана мамыр айында берілмек.
Талдықорған қаласының тұрғыны Батес Комырбаева мемлекеттік тұрғын үй қорынан баспана берілсе деген өтінішпен келіпті. Бейбіт Өксікбайұлы 2010 жылдан бері баспана кезегінде тұрған «Алтын алқа» иегеріне мамыр айында 2-бөлмелі пәтер берілетінін айтып қуантты.
Мемлекеттік тұрғын үй қорынан тұрғын үй берілсе деген өтінішпен келген тағы бір қала тұрғыны Айнаш Ахмаганбетоваға да баспана берілетін болды. 2012 жылы үй кезегіне тұрған отбасы келесі жылы 2 бөлмелі үй алады.
Айдар ҚАЛИЕВ
