Бүгін Ақордада Мемлекет басшысы Қасым-Жомарт Тоқаев Иордания Королі II Абдалла бен әл-Хусейнді ресми түрде қарсы алды, деп хабарлайды 7-su.kz ақпараттық порталы.
Салтанатты рәсім барысында құрмет қарауылы сап түзеп, олардың бастығы екі ел басшыларына сәлем баянатын жасады. Кейін Президент оркестрі Қазақстан мен Иорданияның мемлекеттік гимндерін орындады.
Әнұраннан соң Қасым-Жомарт Тоқаев пен II Абдалла кілемше бойымен Қазақстан Республикасының Мемлекеттік Туына қарай жүрді. Мемлекеттік туға жеткенде мәртебелі мейман басын иіп, құрмет көрсетті.
Осыдан кейін Иордания Королі құрмет қарауылымен қоштасып, Қазақстан Президентімен шағын құрамдағы кездесуге өтті.
Бүгін мемлекеттер басшылары ресми келіссөздер жүргізіп, Қазақстан-Иордания бизнес форумына қатысуы жоспарланған.
