ҚР Төтенше жағдайлар министрлігінің 30 жылдығына орай облыстық төтенше жағдайлар департаменті Ашық есік күнін өткізді.
Талдықорғандағы «Атамекен» сауда ойын-сауық орталығының алаңына жиналғандар заманауи өрт сөндіру және құтқару техникасының жұмысымен танысты. Құтқарушылар өрт сөндіру, төтенше жағдай кезінде адамдарды құтқару және алғашқы медициналық көмек көрсету әдістерін көрсетті. Сондай-ақ, департамент бөлімшелерінде оқушыларға арналған танымдық бағдарламалар ұйымдастырылды. Мектеп оқушылары құтқару қызметінің жұмысымен танысып, өрт сөндіру және құтқару көліктерін жақыннан көріп, қауіпсіздік ережелері мен төтенше жағдай кезінде қолданылатын пайдалы кеңестер алды.
ӨЗ ТІЛШІМІЗ
