Жетісу облысының монополистері тұтынушыларға 63,55 млн.тенгеден астам қаражат қайтарады.
Қазақстан Республикасы Ұлттық экономика министрлігі Табиғи монополияларды реттеу комитетінің Жетісу облыстық департаменті Қазақстан Республикасының «Табиғи монополиялар туралы» Заңының орындау мақсатында уақытша өтемдік тарифтерді бекітіп, облыстың табиғи монополиялар субъектілерінің тарифтік сметасының кіріс бөлігінен 63,55 млн. теңгеден астам қаражатты алып тастады.
Осылайша, ТМРКД табиғи монополиялар субъектілерінің 2023 жылғы тарифтік сметалары мен инвестициялық бағдарламаларының орындалуы туралы ұсынылған барлық есептерге талдау барысында сомасы 63555000 теңгеге тарифтік сметалар инвестициялық бағдарламалардың орындалмағанын анықтады. Нақтылап айтар болсақ, сумен жабдықтау 14,94 млн. теңге, су бұру 0,132 млн. теңге, электр энергиясын беру 1,352 млн. теңге, жылумен жабдықтау 47,131 млн. теңге орындалмаған. Есептерді қарау нәтижесінде тарифтер 3-4 пайызға төмендетілді. Осылайша монополистер бұл соманы 2024-2025 жылдарда реттелетін қызметтерге тарифтерді төмендету есебінен тұтынушыларға қайтарады.
Сонымен қатар, табиғи монополиялар субъектілері Қазақстан Республикасының «Табиғи монополиялар туралы» Заңын орындау мақсатында 2024 жылғы шілдеде биылғы бірінші жарты жылдығында тұтынушылар алдында тарифтік сметалар мен инвестициялық бағдарламалардың орындалуы туралы 15 рет есеп бергенін айта кеткен жөн. Ал 2024 жылғы тұтынушылар алдындағы есептерді субъектілер келесі жылдың 1 мамырына дейін жүргізетін болады.
Табиғи монополияларды реттеу комитетінің Жетісу облыстық департаменті
