Оралдық зейнеткер Зубайда Қонақбаева Халық банкінде кепілсіз кредит ресімдеп, «Toyota Camry-70» темір тұлпарын ұтып алды. Ұтыс ойынының жеңімпазы 15 тамызда кездейсоқ сандарды таңдау әдісімен банктің желідегі ресми парақшасында тікелей эфир арқылы анықталды.
Естеріңізге сала кетейік, ұтыс ойынының бірінші кезеңінің жеңімпазы Петропавл қаласының тұрғыны Надежда Федосова атанды. Ең алғашқы болып көлікті ұтып алған жеңімпазға Солтүстік Қазақстан облысы, Саумалкөл ауданында көлік табысталған болатын.
Halyk Bank ұсынған ұтыс ойынының ең соңғы кезеңі осы жылдың 15 қазанында әдеттегідей желідегі банктің ресми парақшасы арқылы тікелей эфирде жарияланады. Бұл жолы ұтысқа жол талғамайтын көлік қойылды. Көлік ұтып алу үшін қыркүйек айының 30 жұлдызына дейін Halyk Bank-тің кез келген бөлімшесінен кепілсіз кредит рәсімдеу қажет.
«ЖЕТІСУ-АҚПАРАТ»
