Заман талабына сай абаттандырылған жаңа «Арбат» қала тұрғындары үшін жайлы демалыс орнына айналмақ. Осыған орай қала әкімі демалыс аймағында тәртіп шараларын күшейтіп, тұрақты бақылау жүргізу керектігін қатаң ескертті. Әсіресе, жабайы саудаға жол бермеу қажет екені айтылды. Өз сөзінде Ернат Дүйсенбекұлы:
– Қала әкімі ретінде сіздерге маңызды бір өтініш айтқым келеді. Көрікті, ұқыпты әрі таза қалада серуендеп, демалып, арнайы белгіленген орындарда сауда жасаған қандай жақсы?! Сондықтан бұл аумақтың қайтадан бейберекет сауда орнына айналып кетпеуі өте маңызды. Бұл мәселені тек әкімдік жалғыз шеше алмайды, сіздердің қолдауларыңыз қажет. Құрметті тұрғындар, бейжай қарамай, белсенділік танытуларыңызды сұраймын. Егер серуендеу немесе сауда жасау барысында рұқсат етілмеген сауданы байқасаңыздар, оны фото немесе видеоға түсіріп, «102» немесе «109» нөміріне жолдауларыңызды сұраймын. Біз жедел әрекет етеміз. «Арбатты» барша тұрғындар үшін жайлы демалыс орны ретінде сақтап қалайық!, – деген өтінішін жеткізді.
Серік ҚАНТАЙ
