Ел шебіндегі қызметтің беріктігі білікті маманға байланысты. Осы бағытта жас ұрпаққа әскери білімнің қыр-сырын таныстырған ҚР ҰҚК Шекара қызметі Жетісу облыстық департаменті «Қорғас» шекаралық бақылау басқармасының әскери қызметшілері Сарыөзек аумағындағы білім беру ұйымдарының оқушыларымен кездесіп, жоғары оқу орындарына кандидаттарды іріктеу және қабылдау тәртібін түсіндірді.
Күреңбел қазақ орта мектебі, Сарыөзек орта мектебі, Д. Қонаев атындағы және №49 орта мектептерде өткен кездесулерде оқушыларға Қазақстан, Ресей және Түркия жоғары оқу орындарында білім алу мүмкіндіктері, қабылдау талаптары және шекара қызметі саласындағы мамандықтар туралы ақпарат берілді.
Жиынға «Алтынкөл» шекаралық бақылау бөлім бастығының орынбасары, капитан М. Үсен және «Нұр жолы» шекаралық бақылау бөлімінің жүргізушісі, кіші сержант А. Тілеубаев қатысты.
Мұндай кездесулер талапты жастың таңдауын айқындап, әскери қызметке қызығушылығын арттыруға бағытталған.
С. КӘКІМҰЛЫ
