Жылдың ең ірі астероидтарының бірі – 2025 FA22 – 18 қыркүйекте Жерге Ай орбитасының диаметрінен сәл ғана алыс қашықтықта жақындайды, – деп хабарлайды 7-su.kz ақпараттық порталы El.kz сайтына сілтеме жасап.
Ресей ғылым академиясының Ғарыш зерттеулері институты ұсынған дерекке сәйкес, аспан денесінің орташа ені – 166 метр, ұзындығы – 290 метр. Салмағы Челябі метеоритінен/ (7 – 13 мың тонна) мың есе артық.
Ғалымдардың болжамынша, астероид ертең, сағат 12:00-де (Астана уақытымен) Жерге барынша таяп өтеді. Дегенмен оның соғылу қаупі жоқ. Қазіргі траекториясы бойынша ол Жер мен Айды жанай қозғалады.
Бұл – 2025 жылы Жерге 1 миллион шақырымнан аз қашықтықта келетін ең ірі астероид болып отыр.
Зерттеулерге сүйенсек, 2025 FA22 мұндай траекториямен араға ондаған жыл салып қайталанып тұрады. Соңғы рет ол 1940 жылдың 17 қыркүйегінде жақындаған. Келесі рет 2173 жылдың қыркүйегінде байқалмақ.
